www.radioredondela.com Hoxe é Mércores, 21 de Novembro de 2018

O Choco perde na estrea en Santa Mariña
Deporte • 28/08/2017
Autor: Ana Prieto

Derrota dos de Marcos Montes ante o Somozas na Choco no primeiro partido de liga disputado en Santa Mariña. O rival, un dos candidatos ao ascenso de categoría, impúxose por 0-2 con goles de Diego Uzal e Ronald Lezcano en propia porta.


Terceira División


Choco 0-2 Somozas


O gol dos visitantes aos poucos minutos de comezar o partido condicionou o xogo. Diego Uzal, nun saque de esquina, recolleu un balón solto tras varios rexeites para envialo ao fondo da rede de Cortegoso. A partir do gol, o Choco pasou a dominar a posesión do balón, mentres o Somozas era máis eficaz na parcela defensiva. As diferentes ocasións dos de Marcos Montes eran atalladas. Ao comezo da segunda parte, o técnico redondelán introduciu cambios coa entrada de Alberto Castiñeira e Comis para tratar de gañar en combinación, pero non foi suficiente para que o Choco acadar o empate. Na recta final, unha falta colgada desde metade do campo á área de Cortegoso, supoñía o 0-2, logo de que Ronald Lezcano anotara en propia porta ao tentar despexar o balón. Mal comezo para o Choco, cun punto en dous partidos, mentres o Somozas lidera a táboa.


Choco: Cortegoso, Rubén Comesaña, Yago Vázquez, Javi González, Gándara, Alberto Suárez, Antón Vilas (Alberto Castiñeira (min. 65), Gabi Misa, Félix, Óscar Castellano"Chiqui", Escobar (Comis, min. 56).


Somozas: Marcos Valín, Carlos Rivero, Álex Pérez, Hugo Criado, Salvador González, Juan Martínez, José González (Álex Rei, min. 46), Diego Uzal, Francisco Monroy, Gerardo Carreira, Oki (Ahmed, min. 69).


Goles: 0-1, min. 5: Diego Uzal; 0-2, min. 87: Ronald Lezcano.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: