www.radioredondela.com Hoxe é Martes, 20 de Novembro de 2018

Vinte e catro clubes deportivos repártense os 175.000 euros da subveción municipal
Institucional • 7/08/2017
Autor: Ana Prieto

SAR, Choco, e BM Chapela levan as cantidades máis elevadas, ao sumar entre as tres entidades máis de 75.500 euros. O Club de remo de Chapela, o Chapela C.F., e os equipos de fútbol sala Redondela e Arealonga están tamén entre as entidades que reciben unha maior achega, dun total de 24 clubes.


Co obxectivo de fomentar a realización de actividades deportivas, a promoción e desenvolvemento da cultura física no municipio e facilitar a participación da veciñanza redondelá nas competicións deportivas oficiais nas modalidades existentes, a Concellería de Deportes vén de resolver e adxudicar as subvencións correspondentes. O obxecto desta convocatoria é regular o procedemento da concesión de subvencións en réxime de libre concorrencia para todos aqueles que teñan actividade en competicións oficiais. A SAR, na División de Honra Prata feminina e na Primeira Nacional masculina, conta coa maior subvención, 29.409 euros. Séguelle o C.D. Choco, en Terceira División, con 24.000 euros. O Balonmán Chapela recibe 22.174 euros, e o Club de Remo Chapela 16.000. O Chapela C.F. conta cunha subvención do Concello de 12.845 euros e os equipos de fútbol sala Redondela e Arealonga reciben 9.975 e 8.300 euros, respectivamente. Outras das entidades que conta cunha importante achega son o Club Baloncesto Redondela, con 7.271 euros, o


club de tiro con arco Meigarco, que supera os 6.650 euros, mentres que o Campito Fútbol Sala recibe 5.333, a Escola de Ciclismo Redondela 4.155, e o Grupo Casa Paco 81 suma 4.070 euros. Por riba dos 3.000 euros están as subvencións municipais para club Natación Redondela, CAR, C.C.D. Cesantes e Racing Cycling Team. O resto das achegas, ata os máis de 175.000 do total, son para: club Tenis Redondela, Patinaxe Bolboreta, C.D. Cesantes, Petanca San Xoán, Peña Blanco y Negro, C.D. Atlético Villar e Petanca Torre de Babel.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: