www.radioredondela.com Hoxe é Martes, 20 de Novembro de 2018

Máis seguridade no acceso á igrexa de Nespereira
Institucional • 2/08/2017
Autor: Ana Prieto

A Deputación de Pontevedra é a responsable das obras de mellora no cruzamento da estrada provincial EP-2702 co acceso á igrexa de Nespereira,en Pazos de Borbén. A reforma permitirá unha mellor visibilidade, xa que se ampliará a superficie da vía en ambas as marxes, crearase un carril de espera e instalaranse bandas redutoras de velocidade, coa limitación de 30 quilómetros por hora.


O concurso de ofertas promovido pola Deputación para as obras de mellora da seguridade viaria no cruzamento da estrada provincial EP-2702 co acceso á igrexa de Nespereira, en Pazos de Borbén, recibiu 16 propostas de empresas construtoras. Segundo explicou o deputado provincial, Uxío Benítez, os técnicos do departamento de Mobilidade decidirán nas próximas semanas cal é a mellor proposta técnica e económica entre as candidatas para proceder á súa adxudicación. Se todo o proceso administrativo vai segundo o previsto, as obras poderán iniciarse no outono. O obxectivo do proxecto é aumentar a seguridade viaria e a visibilidade nunha intersección na qu ese produciron varios accidentes de tráfico. A obra permitirá unha mellor visibilidade, xa que se ampliará a superficie da vía en ambas as marxes, crearase un carril de espera e instalaranse bandas redutoras de velocidade, coa limitación de 30 quilómetros por hora. O orzamento da actuación ascende a 85.506 euros, que foran comprometidos polo responsable de Mobilidade ao alcalde de Pazos de Borbén, Andrés Igrexas, nunha visita o pasado mes de novembro. Desde entón, redactouse o proxecto e iniciouse o procedemento expropiatorio, que se resolveu nas últimas semanas.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: