www.radioredondela.com Hoxe é Sábado, 22 de Setembro de 2018

O Choco incorpora a Antón Vilas
Deporte • 6/07/2017
Autor: M. X. Queimaliños

O Choco continua coa preparación da vindeira tempada e pechou nas últimas horas a incorporación do prometedor Antón Vilas, vigués de 22 anos, que procede do Arosa tras comezar a pasada tempada no Izarra de Segunda División B. Con esta incorporación, o equipo de Marcos Montes reforza o xogo de ataque e suma ó seu equipo un futbolista de categoría sub-23.


Vilas formouse no Val Miñor de Nigrán e finalizou a etapa xuvenil no Areosa antes de pasar directamente á Terceira División no Rápido de Bouzas. É un futbolista de ataque, que pode xogar na posición de mediapunta ou como extremo. Polo tanto, engadirá variantes á liña de creación de Marcos Montes. Ademais, é un xogador de bo toque de balón e combinación, polo que se adapta as características de fútbol que practica o equipo de Redondela.


Coa chegada de Antón Vilas ó Choco, Marcos Montes xa dispón dun importante número de futbolistas confirmados para o vindeiro curso: Cortegoso, Adrián Aguiar -portería-; Yago Vázquez, Javi González, Gándara, Lucas, Ronald Lezcano -defensa-, Alberto Suárez, Gabi Misa, Marcos Pérez, Félix, Antón Vilas -centrocampistas e extremos-; Ricar e Silva (dianteiros). Deste xeito, o club conta cun grupo de 14 xogadores de nivel e espera mellorar nos próximos días o potencial do equipo.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: