www.radioredondela.com Hoxe é Xoves, 24 de Maio de 2018

"A nena que quería navegar", teatro familiar contra o acoso escolar no Multiúsos
Cultura • 29/06/2017
Autor: M. X. Queimaliños

A compañía Redrum Teatro ofrece un espectáculo para previr o acoso escolar través da historia dunha nena que farta de ser o centro das mofas dos seus compañeiros foxe da escola. Unha aventura que a través da música en directo, o traballo actoral e o teatro de monicreques busca reforzar a autoestima dos máis pequenos e achegar ferramentas a todos os que dalgún xeito convivan co "bullying". Unha obra para todos os públicos que se poderá ver o venres no Multiúsos da Xunqueira ás 20:00 horas.


O espectáculo pretende, a través de técnicas de reforzo positivo, mellorar a autoestima dos máis pequenos. Así o explica o director da obra, Alex Sampayo, quen insiste en que malia o sensible do asunto a tratar, a obra faino sen centrarse nas consecuencias e si nas ferrramentas que os rapaces necesitan para para previr ese acoso.


A historia que nos contan é a da Nena, quen farta de ser o centro das mofas dos seus compañeiros foxe da escola coa intención de non volver nunca máis, na súa aventura topará co Xeadeiro, un ser máxico e vital, que a base de contos, adiviñanzas, xogos e canción, devolveralle a autoestima perdida.


Un espectáculo protagonizado por Laura Míguez e Guillermo Carbajo, no que se mesturan varias disciplinas artísticas como o teatro de monicreques, o de obxectos, as proxeccións e a música en directo. Recomendado para rapaces e rapazas de seis a doce anos Sampayo asegura que tamén poden gozar da representación nenos menores desa idade.


A obra poderase ver o venres 30 ás 20:00 horas e as entradas teñan un custe de 5€ e 3€ a tarifa reducida.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: