www.radioredondela.com Hoxe é Mércores, 19 de Setembro de 2018

Mera imponse na Bandeira Concello de Redondela
Deporte • 26/06/2017
Autor: Ana Prieto

As traíñas foron as protagonistas na Enseada de San Simón esta fin de semana, co gallo da IV Bandeira Concello de Redondela, organizada polo C.C.D Cesantes. Mera fíxose co triunfo, con Cedeira e Mugardos completando o podio. Os redondeláns acabaron na sexta praza.


Participaron o sete equipos que forman a División B da liga Galega ademais de Cesantes como organizador, nunha proba que non era puntuable. Con todo, a regata non estivo exenta de emoción. Celebráronse dúas mangas de catro equipos cada unha e na primeira delas, na que ían Mera e Cedeira con Muros e Esteirana, xa se notou o poderío de Mera, única traiñeira que baixou de 22 minutos. Na segunda quenda produciuse unha loita desigual xa que Mugardos foi o vencedor con diferenza moi importante sobre Virxen da Guía, Vila de Cangas e Cesantes. Dentro dunha semana comezará a competición oficial na súa categoría. Será o momento de comprobar se Mera e Cedeira se manteñen como favoritas para optar ao ascenso a Liga Galega A.


Resultados: 1.Mera 21:54.24; 2.Cedeira 22:20.01; 3.Mugardos 22:23.63; 4.Virxen dá Guía 22:57.12; 5.Vila de Cangas 23:05.00; 6.Cesantes 23:19.36; 7.Muros 23:23.01; 8.Esteirana 24:31.79.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: