www.radioredondela.com Hoxe é Sábado, 22 de Setembro de 2018

Andaina nocturna para coñecer os xacementos de Monte Penide
Cultura • 23/06/2017
Autor: M. X. Queimaliños

O arqueólogo Xurxo Constela será o encargado de guiar esta andaina que organiza a Concellería de Cultura. Un percorrido accesible a todos os públicos que partirá o domingo 25 ás 22:00 horas dende o merendeiro da Poza da Lagoa. O obxectivo destas actividades é dar a coñecer o patrimonio e poñer en valor os xacementos de Monte Penide-Mirallo. Unha ruta circular de non máis de tres quilómetros que levará aos participantes a achegarse aos petróglifos existentes en Chan da Cruz, na Porteliña e na Poza da Lagoa.


O arqueólogo Xurxo Constela da empresa A Citania será o encargado de explicar as imaxes gravadas nas rochas e que se aprecian con maior claridade na escuridade, motivo polo que esta andaina organízase en horario nocturno, a partir das dez da noite.


Unhas xornadas que se están a desenvolver o último domingo de cada mes con distintos percorrido e que teñen como obxectivo a concienciación medioambiental. Dar a coñecer a coñecer o parque arqueolóxico de Monte Penide, unha das maiores concentracións de soterramentos tumulares do noroeste peninsular e cuxa posta en valor e divulgación é fundamental para evitar posibles actos vandálicos e asegurar a súa pervivencia.


Para participar aconséllase levar calzado cómodo e unha lanterna así como estar puntualmente as nove no merendeiro da Poza da Lagoa.


Actividades de balde organizadas pola Concellería en colaboración coa empresa A Citania na que poden participar todos os que o desexen.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: