www.radioredondela.com Hoxe é Sábado, 30 de Maio de 2020

Procesión marítima nas Festas do Carme en Cesantes
Cultura • 17/07/2009
Autor: M. X. Queimaliños

O mal estado do pantalán da Punta obrigará aos asistentes a desembarcar a través dunh gamela que os deixará no areal. A comisión de festas esepra a participación dun milleiro de fieis


As festas do Carme centrarán as actividades da fin de semana na parroquia de Cesantes. Mañá sábado a tradicional procesión marítima terá a súa orixe na Igrexa de San Pedro ás dez da mañá para embarcar no peirao xunto á lonxa. Estará acompañado pola banda de gaitas A Carballeira de Ourense e o grupo folklórico Airiños de San Simón do centro cultural de Cesantes.


O percorrido marítimo será pola enseada de San Simón con regreso ás 13:30, hora na que a imaxe da Virxe será depositada na ermida da praia.


En lugar de empregar o pantalán da Punta, pechado polo deteriorado aspecto que presenta e que ameaza con derrubarse, os asistentes á procesión deberán desembarcar a través dunha gabarra que os deixará no areal.


A imaxe da Virxe permanecerá na capela ata o domingo, cando ás 18:30 horas saia en procesión terrestre novamente cada a igrexa.


Ademais dos actos relixiosos haberá pasarrúas e verbenas a partir de hoxe coa orquestra A Che e o grupo Alcotán, mañá actuarán as orquestras Solara e Súper Combo e o domingo o grupo América intercalado co humorista Oswaldo Digón.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: