www.radioredondela.com Hoxe é Domingo, 22 de Xullo de 2018

Clientes frustran un atraco no bar La Barraca en Redondela
Sucesos • 2/06/2017
Autor: M. X. Queimaliños

Susto o vivido onte polos empregados da cafetería La Barraca en pleno centro de Redondela. Eran aproximadamente ás 22:00 horas cando un individuo entrou neste local da Praza da Constitución armado con dous coitelos e ameazou a camareira esixíndolle que lle dera os cartos da caixa. O atracador, un veciño de Vigo de 55 anos de idade, foi reducido por tres clientes que lograron intercéptalo ao saír do local.


A piques estivo de facerse co botín pero foi interceptado por tres clientes que, armados de cadeiras e mesas, golpeárono ata tiralo ao chan onde foi inmobilizado á espera dos axentes da policia nacional.


O detido, un home de 55 anos de idade e con domicilio na cidade de Vigo, conta con 28 antecedentes policiais, entre eles o de roubo con violencia. Pasou xa a disposición xudicial.


Dende a Policía Nacional salientan a colaboración cidadá que fixo posible a detención do atracador.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: