www.radioredondela.com Hoxe é Martes, 25 de Setembro de 2018

O grupo de percusión Odaiko ofrece en Chapela o seu espectáculo "Vaia banda"
Cultura • 25/05/2017
Autor: M. X. Queimaliños

Acompañados da Banda de Música da parroquia, ofrecerán un espectáculo de música e humor que se poderá seguir na Alameda de Chapela o sábado 27 ás 21:00 horas. Un concerto didáctico pensado por e para o público infantil e adulto que ofrecerá unha viaxe musical da man do humor.


Odaiko leva a Chapela o seu terceiro proxecto acompañado da Banda de Música. Como se dunha volta a España se tratase, ofrecen unha viaxe na que repasan parte da literatura musical presente en cada unha das rexións do país. Todo isto acompañado cunha divertida posta en escena, onde todo tipo de instrumentos de percusión serán os encargados de dar a entender a historia destes 4 intrépidos embaixadores do ritmo.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: