www.radioredondela.com Hoxe é Luns, 23 de Xullo de 2018

XIII edición da Festa do ovo en Nespereira
Cultura • 19/05/2017
Autor: M. X. Queimaliños

A parroquia de Pazos de Borbén acollerá este domingo a partir das 12:00 horas unha nova cita da súa popular festa gastronómica na que o ovo da casa é o auténtico protagonista. Serviranse ao redor de 2.000 racións elaboradas con produtos doados polos veciños. O pregoeiro será o humorista redondelán Somoza e a festa estará amenizada polo Dúo Estelar e o grupo de gaitas Árdelle o Eixo.


A asociación de veciños de Nespereira organiza un ano máis a súa popular festa gastronómica con pratos elaborados con produtos da casa e nos que o produto estrela é o ovo. Así, un do máis demandados é o combinado de ovos fritidos con patacas e chourizo, pero poderán tamén degustarse acompañados de grelos con chourizo e serviranse tortillas con diferentes recheos. Outras opción serán as racións de empanada de atún e ovo e as sobremesas caseiras.


Unhas racións que se poderán degustar a prezos económicos, cun custe de cinco euros o prato estrela do mesmo xeito que a tortilla. A empanada despacharase a catro euros e os grelos cocidos a seis. Todas as racións acompañaranse de pan, viño e sobremesa.


Unha celebración que parece vai contar con bo tempo, aínda que a organización ten instalada unha carpa que garante a degustación baixo cuberto.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: