www.radioredondela.com Hoxe é Xoves, 20 de Setembro de 2018

O Choco despide a liga con triunfo ante o Barco
Deporte • 15/05/2017
Autor: Ana Prieto

Os de Marcos Montes, co obxectivo da permanencia xa cumprido hai semanas, gozaron na despedida da temporada en Santa Mariña cunha vitoria ante a súa afección. O filial tamén se impuxo por goleada ao Xinzo e pelexará na fase de ascenso a Primeira Autonómica.


Terceira División


Choco 3-2 Barco


Os redondeláns empezaron ben o encontro, con moito ritmo, e adiantándose aos poucos minutos nunha xogada pola banda esquerda de Félix. Conseguiu chegar ata a liña de fondo e puxo un centro raso que Silva logrou rematou. Rexeitou Óscar pero Marcos, atento no segundo pau, conseguiu enviar o rexeite a gol. Poucos minutos máis tarde, unha recuperación no medio do campo fixo posible aumentar distancias cun gol de Silva. Todo pintsba ben para o Choco, cando se lesionou Caloi, que tivo que ser substituído á media hora de encontro. Iso provocou un cambio importante no xogo. O Barco mellorou o seu rendemento e, grazas a un erro na defensa do Choco, anotou un gol obra de David Álvarez. Na segunda parte o Barco seguía con intencións, e un erro na saída entre Alberto Suárez e Gabi Misa permitiu aos visitantes o gol do empate, obra de Ballesteros. O gol do triunfo redondelán anotouno o Barco en propia porta, ao tratar Adil de despexar un centro que non tiña rematador.


Segunda Autonómica



Choco B 6-1 Xinzo


O Choco B tamén despediu a liga con vitoria. Goleada do filial sobre o Xinzo, o que lle garante a participación na fase de ascenso a Primeira Autonómica xunto con Louro, a Guía e Nigrán. Sta Mariña e Vilariño acadaron o ascenso directo, mentres que os descendidos son U. Ribera, Matamá e Progresista.


Ascenso a 2ª Autonómica



Chapela 0-2 Lavadores


A punto estivo o Lavadores de remontar o 0-3 da ida, pero a renda dos redondeláns foi suficiente para pasar á seguinte ronda.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: