www.radioredondela.com Hoxe é Martes, 16 de Outubro de 2018

Contacontos en Chapela con Elefante Elegante
Cultura • 27/03/2017
Autor: M. X. Queimaliños

A biblioteca de Chapela acolle este martes 28 ás 18:30 horas un contacontos orientado a nenos e nenas de entre 3 e 7 anos. A actividade correrá a cargo da compañía Elefante Elegante quen presentará o seu espectáculo de contos "Lobo Bobo". Entrada libre, ata completar aforo.


Que pasaría se o lobo da Carrapuchiña se fixese vexetariano?


Que acontecería se a madrasta de Branca de Neve se convertese nun dos tres porquiños cada vez que se mira no espello?


A resposta a estas e outras preguntas poderémolas descubrir no novo espectáculo de Elefante Elegante, mesturando os contos de sempre para crear unha nova historia na que conviven o cómico e o poético co teatro xestual e a música. O contacontos está dirixido para rapazada entre 3 e 7 anos. A actividade desenvólvese grazas ao programa "Ler conta moito" da Rede de Bibliotecas de Galicia.


Xa na vindeira semana tamén na biblioteca de Chapela desenvolverase outro Contacontos aínda que orientado a bebés de 0 a 3 anos e que si precisa de inscrición previa. Será a narradora Charo Pita quen achegue aos pequenos "O curral de Cocoricó" o luns, 3 de Abril, ás 18:00 h. A inscrición pódese facer na propia biblioteca, no teléfono 986454226 ou no enderezo electrónico: bibliotecachapela@redondela.es, indicando nome, idade da crianza e deixando un teléfono de contacto.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: