www.radioredondela.com Hoxe é Domingo, 27 de Maio de 2018

O espazo Mínima Expresión acolle a obra "Heroes" de Ignacio López
Cultura • 28/02/2017
Autor: M. X. Queimaliños

Décimo segunda intervención no espazo Mínima Expresión que presenta unha mostra da obra artística do autor Ignacio López, que ten por titulo "Heroes". Un compendio de obras gráficas onde o artista dá renda solta á súa arte intuitiva. A instalación permanecerá exposta durante os meses de marzo e abril de 2017.


Ignacio é un infatigable artista editor de colaxes onde combina distintos materiais; xoguetes, cables, pedras, recortes de revistas, diarios e un etcétera aberto ao azar. Calquera destes engadidos teñen para o autor, "a mesma importancia que a pintura".


A Discotasca o colectivo Pitrina apostan dende o ano 2015 por un espazo artístico de tamaño reducido (seguramente o máis pequeno do mundo) para achegar a arte ao público en xeral.


Lembramos que o espazo expositor é o interior dunha neveira dos anos 70 rehabilitada e instalada na fachada do bar Discotasca na rúa Pai Crespo de Redondela. O seu obxectivo é achegar a arte a todo tipo de público, dun xeito divertido e didáctico.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: