Radio Redondela 94.9FM
www.radioredondela.com Hoxe é Xoves, 16 de Agosto de 2018

A construción dun muro obriga a cortar o paseo da Portela
Sociedade • 7/02/2017
Autor: M. X. Queimaliños

A construción dun muro de contención na Avenida de Alvedosa, na zona da Portela, obrigará a cortar esta estrada desde hoxe ás 9.00 horas até o vindeiro venres. As obras, que executa a Deputación, permitirán fixar un terraplén que ameaza con virse abaixo con risco de afectar a esta estrada que comunica ao centro urbano co barrio da Portela.


Segundo informan desde a Concellaría de Tráfico, os residentes poderán acceder ás súas casas desde Redondela, se a súa vivenda queda antes da zona de obras, ou desde a N-552 (Vigo-Redondela) polo desvío situado xunto á farmacia de Cedeira, para os veciños que residan no tramo final da Avenida de Alvedosa.


Este viario é utilizado por moitos veciños para saír do centro urbano en dirección a Vigo, polo que durante os próximos días terán que buscar outras alternativas.


Tamén se interromperá por precaución o paseo de madeira peonil até A Portela ata que rematen as obras.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: