Radio Redondela 94.9FM
www.radioredondela.com Hoxe é Xoves, 16 de Agosto de 2018

Vitoria para os equipos de fútbol sala de Chapela
Deporte • 30/01/2017
Autor: M. X. Queimaliños

Arealonga e Campito fixeron os deberes esta fin de semana e lograron facerse cos puntos en xogo nas súas citas ligueiras. O Campito vencía por 6-2 ao Mos e o Arealonga lograba facerse cos puntos en xogo no campo do Tui Futsal ao vencer por 1-4. Peor lle foron as cousas ao Redondela FS que caía no pavillón da Marisma ante o Beade por 4-6.


Partidos correspondentes á xornada 17 da Autonómica Sur con mal resultado para o Redondela que logo da vitoria da semana pasada en Ourense buscaba conseguir outros tres puntos ante a súa afección e consolidarse na táboa para seguir loitando por ocupar os posto altos. Non foi así, xa que malia a presións dos redondeláns o equipo visitante mantivo unha boa resposta en todo momento e lograba ir ao descanso xa cun marcador favorable de 0-2. A segunda parte non foi mellor ata chegar ao definitivo 4-6 que afasta ao equipo dos seus obxectivos. Na vindeira semana xogarán no campo do Valadares.


A cara positiva atopámola nos encontros disputados polos equipos de Chapela. O Campito xogaba tamén na casa ante o Mos e lograron facerse co partido por 6-2. Dende a oitava praza do grupo desprázanse o vindeiro sábado ao campo de As Neves, equipo que é cuarto.


Vitoria tamén para o Arealonga na súa visita ao campo do Tui Futsal por 1-4. Uns puntos que con todo non os afastan dos postas baixos da táboa, son decimo terceiros e na vindeira semana reciben ao penúltimo da clasificación, o Celado.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: