Radio Redondela 94.9FM
www.radioredondela.com Hoxe é Domingo, 19 de Agosto de 2018

O Choco afástase máis do descenso cunha remontada ante o Vilalonga
Deporte • 23/01/2017
Autor: Ana Prieto

Os de Marcos Montes deixan os postos de descenso a tres puntos tras logra a vitoria ante o Vilalonga nun partido intenso. A remontada dálle moral ao Choco para preparar o encontro do domingo ante o líder, o Rápido de Bouzas. No resto de categorías gañou o Choco B en Segunda Autonómica, e na Terceira vitorias de Vilar e Chapela, e empate do Cesantes.


Terceira División


Vilalonga 2-3 Choco


As xogadas a balón parado foron as protagonistas no partido disputado onte no campo do Vilalonga. O primeiro tempo trascorreu sen goles ata chegar a unha segunda metade de infarto. Lezcano puxo un centro ó primeiro pau que rematou Paredes ó fondo da rede e, tres minutos despois, o propio atacante local cabeceou unha falta lateral. En tan só once minutos o marcador reflectía 2-0. Marcos Montes deu entrada a Caloi, que debutaba esta tempada, e chegaron dous tantos en sendos saques de esquina. Misa foi o encargado de poñer os dous balóns na área. O primeiro rematouno Yago Vázquez e Javi González foi o autor do segundo. A quince minutos para o final do partido o partido gañou en intensidade. Unha falta sobre Óscar Pérez rematou cunha trifulca e as expulsións de Bisti por vermella directa e Rubén González por doble amonestación. Con dous futbolistas máis sobre o terreo de xogo apareceu Silva, quen recolleu un balón solto na frontal do área, deu volta e enganchou un lanzamento cruzado que entrou lamendo o pau. A vitoria permite aos redondeláns respirar algo máis tranquilos, a tres puntos dos postos de descenso. Unha boa inxección de moral para preparar o encontro que o domingo os enfrontará en Santa Mariña ao líder, o Rápido de Bouzas.


Segunda Autonómica



Choco B 1-0 Progresista


O Choco B partía como favorito neste encontro, e foi superior ao Progresista, sempre dominando o xogo e con presión constante sobre a portería rival. Froito desa presión chegou o gol de Raúl Antolín, aos dez minutos de xogo. Os de Redondela puideron sentenciar na primeira metade, contando con tres ocasiones moi claras para ampliar o marcador. Na segunda metade, o Progresista foise arriba en busca do empate, que estivo a piques de conseguir na recta final. O filial continúa segundo, só superado polo Santa Mariña. Nesta posición de privilexio o domingo recibe ao At. Matamá, afundido no pozo da táboa.


Arcade 1-1 Unión Sampaio


Reparto de puntos no derbi comarcal que deixa aos dous equipos na metade da táboa. Os de Soutomaior o domingo xogarán no campo do Figueirido, dous postos por baixo.


Terceira Autonómica



Atl. Vilar 3-1 Alcabre


O At. Vilar- Alcabre afástase un chisco do pozo da táboa logo da vitoria ante o Alcabre, que se mantén penúltimo. O domingo os de Vilar xogarán no Monte da Mina ante o Pereiró.


Peñasco 3-5 Chapela


O Chapela segue na zona alta da clasificación logo da goleada sobre o Peñasco. Dous goles de Posada, un de Santi, outro de Pitu e un último de Ari déronlle os tres puntos nun partido moi disputado. Na segunda praza, empatado co líder, o Chapela recibirá na próxima xornada ao Lavadores, cuarto do grupo.


Peña Beretes 1-5 Pereiró


O Peña Beretes segue como pechacancelas logo de perder cunha avultada goleada ante o Pereiró. Os de Chapela xogarán o domingo ante o Teis, no campo vigués, cos anfitrións na terceira praza do grupo.


Soutomaior 1-1 Cesantes


Interesante derbi comarcal que se saldou con reparto de puntos. Dani adiantou ao Soutomaior aos vinto minutos. O Cesantes conseguiu a igualada no tempo de desconto e desde o punto de penalti cando os anfitrións sufriran dúas expulsións. Os de Redondela, na cuarta praza, reciben na próxima xornada ao Presqueiras, da metade baixa da táboa.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: