www.radioredondela.com Hoxe é Luns, 15 de Outubro de 2018

Redondela recupera o paseo Maceiras
Sociedade • 28/11/2016
Autor: M. X. Queimaliños

Medio Ambiente dá por concluídos os traballos de recuperación do camiño que vai pola ribeira do Maceiras e nos que se investiron 34.000 euros co obxecto de acondicionar unha senda que quedara intransitable por mor das inundación do pasado mes de febreiro. O concello prevé  ampliar o sendeiro ata chegar a Ponte da lama.


Os traballos realizados neste camiño que discorre pola beira do río Maceiras, e que quedara intransitable a consecuencia dos danos que provocaran as chuvias dos días 12, 13 e 14 do pasado mes de febreiro, remataron estes días coa colocación de muros de protección con bloques de pedra en varias zonas da beira do río co obxecto de evitar a erosión e o posible desprendemento do terreo sobre todo coa chegada das chuvias neste inverno.


Esta foi a última das actuacións que permiten a este camiño está plenamente funcional. Previamente xa se procedera a recuperar o firme coa reposición da zahorra que se levara por diante as inundacións.


A intención do Goberno local, segundo sinalou o concelleiro de Medio Ambiente, Miguel Ángel Álvarez, "é executar en 2017 outro treito da senda para chegar xa a Ponte da Lama".


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: