Radio Redondela 94.9FM
www.radioredondela.com Hoxe é Venres, 17 de Agosto de 2018

Teixeira agarda recuperar efectivos para cumprir cos obxectivos do Rodosa Chapela
Deporte • 15/11/2016
Autor: Ana Prieto

O equipo de Primeira Nacional, que vén de gañar o derbi en Redondela ante a SAR, achégase aos postos de cabeza da táboa. Está a un punto do segundo clasificado, o At. Novás, e a catro do líder, o Xiria. O sábado reciben en Chapela ao Luceros, que poderá viaxar cos xogadores de Asobal. Pero a Teixeira o que lle preocupa é contar con todo o seu plantel.


O técnico do Rodosa Chapela lamenta que desde comezos de temporada está a sufrir baixas importantes, como a do porteiro Juan Novás, que ficharon procedente do Cisne. O gardameta padece unha lesión de xeonllo e aínda está pendente de probas médicas. Outro que foi baixa por lesión é Tanis, xogador que recuperaron a pasada xornada para o derbi redondelán, e que foi un dos protagonistas do encontro ao marcar cinco goles. Unha vitoria importante para o Chapela, que deste xeito non se descolga dos postos de cabeza da táboa.


Agora, coa inxección de moral que supón a vitoria sobre a SAR, preparan o encontro desta fin de semana que os medirá en Chapela ao Luceros Cangas. Os do Morrazo poderán viaxar cos xogadores do primeiro equipo, de Liga Asobal, xa que o Frigoríficos disputa a xornada de competición mañá mércores. Con todo, a maior preocupación de Fran Teixeira é poder adestrar con normalidade durante a semana, e poder contar con todos os seus efectivos para competir con garantías no partido do sábado. O partido será o sábado, día 19, ás 18.30 horas no Pavillón Municipal de Chapela.


 


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: