www.radioredondela.com Hoxe é Xoves, 19 de Xullo de 2018

Obradoiro de autoemprego en Saxamonde
Sociedade • 31/10/2016
Autor: M. X. Queimaliños

A actividade, impartida pola cooperativa Feitoría Verde e financiada pola Deputación, arranca este venres orientada a aquelas persoas que teñan en mente algunha idea ou proxecto de autoemprendemento e que queiran saber máis sobre como facelo realidade.

As persoas interesadas poden poñerse en contacto coa Asociación de mulleres Arela nos teléfonos 661 837 597 ou no 606 722 635. Poden tamén informarse a través do correo arelamulleres@gmail.com. A actividade ten unha duración de dous meses.


A Asociación Areala ten aberto o prazo de inscrición para participar neste obradoiro formativo no que se ensinarán técnicas de autoemprego e de creación de empresas "dende o rural, dende o sustentable e dende a economía social" en palabras de Paula Lubián unha das monitoras do curso. O programa, subvencionado pola Deputación de Pontevedra, serviralle aos participantes para pór en valor os recursos propios e locais a nivel humano, patrimonial ou ambiental, crear proxectos de autoemprego e achegarse á fórmula cooperativa e as súas posibilidades.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: