Radio Redondela 94.9FM
www.radioredondela.com Hoxe é Mércores, 15 de Agosto de 2018

O Rodosa Chapela gaña en Lavadores e a SAR Platic Omnium perde no Grove
Deporte • 13/10/2016
Autor: Ana Prieto

A xornada de liga decretada onte pola federación aproveitando a xornada festiva deixa un sabor agridoce no balonmán local, cunha vitoria e unha derrota. Os de Fran Teixeira impuxéronse ao Lavadores cun gran parcial na segunda parte, e os de Carlos Rey perderon ante o Rasoeiro logo dun encontro moi igualado.


Primeira Nacional


Lavadores 16- 28 Rodosa Chapela


A primeira metade non foi boa para os de Chapela. O Lavadores colocouse por diante no marcador e até os últimos segundos antes do descanso os de Fran Teixeira non conseguiu dar a volta ao marcador. Na segunda parte cambiaron as cousas, o Rodosa fixo un mellor traballo defensivo e só encaixou seis goles.


Calmear Rasoeiro 35-33 SAR Plastic Omnium


O refacho de resultados positivos dos de Carlos Rey freouse no Grove. A SAR Plastic Omnium perdeu inesperadamente onte contra o recentemente ascendido Calmear Rasoeiro. Nun partido de máxima igualdade, con empata 14-14 no descanso, os mecos aproveitaron mellor os minutos finais e conseguiron a vitoria.


A próxima xornada, o sábado día 15, o Rodosa Chapela recibe ao OAR Coruña. O partido xógase ás 18.30. Á mesma no pavillón da Marisma a SAR recibe ao líder da categoría, o Calvo Xiria.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: