www.radioredondela.com Hoxe é Martes, 16 de Outubro de 2018

Aberto o prazo de inscrición para participar nunha charla e ruta-paseo sobre vexetación invasora
Sociedade • 29/09/2016
Autor: M. X. Queimaliños

A actividade, organizada pola Concellería de Medio Ambiente, desenvolverase os días 19 e 22 de outubro na Casa da Cultura e abordaranse cuestións tales como a identificación, problemática ambiental e control das especies invasoras que se están a espallar pola contorna. Inscrición no 986 400300 e no enderezo medioambiente@redondela.es. As prazas están limitadas a 40 persoas.


Ante o crecente aumento de especies invasoras na nosa contorna, o Departamento de Medio Ambiente organiza unhas charlas onde se dará a coñecer a problemática destas especies nos nosos ecosistemas, así como aprender a recoñecelas e as medidas de control para que non rematen colonizando o espazo das especies autóctonas.


A formación constará de dúas sesións, unha teórica e outra práctica. A primeira desenvolverase o día 19, ás 20:00 h, unha charla na Casa da Cultura, dunha hora aproximadamente, para dar a coñecer a importancia das especies invasoras e as súas consecuencias nos diferentes ecosistemas que colonizan, a súa identificación, maneiras de eliminalas, etc.


Xa o sábado 22 ás 10:30 h celebrarase unha ruta-paseo, de 3 horas aproximadamente, na que se levará á práctica todo o visto na charla teórica.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: