www.radioredondela.com Hoxe é Sábado, 26 de Maio de 2018

Extinguido un incendio forestal no Viso
Sucesos • 2/09/2016
Autor: M. X. Queimaliños

O lume producíase na tarde de onte nunha zona moi castigada no último mes en Redondela. Concretamente tiña lugar na zona do Viso ás 15:41 horas e, segundo confirmou Medio Rural, as lapas dábanse por controladas pasadas as cinco da tarde. Xa pola mañá o incendio dunha lancha no peirao do Cubillón en Chapela desatara a alarma veciñal, aínda que tamén este incendio foi extinguido sen provocar danos persoais.


O fume na zona do Viso, que se podía ver dende diferentes puntos do concello, volvía desatar as alarmas facendo lembrar os incendios forestais que afectaron ao noso concello a mediados de agosto. Nos traballos de control do lume traballaron un axente, tres brigadas, tres motobombas e un helicóptero e o incendio deuse por controlado hora e media despois do seu inicio .


Tamén en Chapela desatábanse as alarmas ás 12.30 horas da mañá cando se detectaba unha columna de fume negro procedente da zona das naves frigoríficas de Chapela.Malia a alarma que este feito provocou nun primeiro momento entre os veciños comprobouse que o lume afectaba tan só a unha lancha abandonada no peirao do Cubillón.


O servizo de emerxencias de Redondela e bombeiros de Vigo extinguiron rapidamente o lume cuxas causas están sendo investigadas.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: