www.radioredondela.com Hoxe é Luns, 17 de Decembro de 2018

Reabren a praia de Arealonga ao baño logo dunha semana pechada por un vertido de augas fecais
Sucesos • 28/06/2016
Autor: M. X. Queimaliños

As últimas análises realizadas confirman que non hai perigo para os bañistas, que poderán volver mergullarse nas augas desta praia de Chapela. No Concello apuntan agora a un vertido procedente directamente da depuradora de Teis como causante dos altos niveles de contaminación. As análises repetiranse semanalmente para garantir a seguridade do baño.


As novas análises de Sanidade apuntan a que o pico de contaminación que se detectaba o pasado mércores nas augas de Arealonga estaría superado. De feito, o informe establece que os niveis son aceptables e non supoñen risco para a saúde polo que onte se reabría ese areal ao baño. O novo informe subliña que os niveis de Escherichia Coli reducíronse notablemente polo que a Concellería de Medio Ambiente procedeu a retirar os carteis de prohibición do baño.


Agora dende o Concello intentan coñecer os informes de Augas de Galicia e Aqualia sobre o que puido acontecer, xa que si ben nun principio todo apuntaba a un vertido puntual ao río Pugariño, que desemboca nun dos extremos do areal, agora as pescudas xiran en torno á depuradora de Teis.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: