www.radioredondela.com Hoxe é Domingo, 24 de Xuño de 2018

Política lingüística homenaxea en Redondela ao escritor e avogado Xosé Luis Franco Grande
Cultura • 6/06/2016
Autor: M. X. Queimaliños

O Multiúsos da Xunqueira acolle o luns ás 17:00 horas un acto de homenaxe  a Xosé Luis Franco Grande coa participación do Secretario Xeral de Política Lingüística, Valentín García Gómez, o ensaísta, poeta e presidente da Real Academia Galega Xesús Alonso Montero e a catedrática da Universidade de Vigo, María Camiño Noia. Logo do acto no auditorio terá lugar o descubrimento dunha placa conmemorativa que recorde a figura deste ilustre escritor, autor do dicionario da lingua galega publicado en 1968, tan importante e decisivo para a galeguización de moitas xeracións de galegos e galegas.


Unha actividade da que participa a Biblioteca de Redondela ademais da Asociación Lois Peña Novo que ven de dar a coñecer os galardoado na que é a XXII edición dos galardóns deseñados para recoñecer o labor de normalización lingüística no eido das administración públicas, na vida institucional de Galicia e na sociedade en xeral. Nesta edición os premiados son Francisco Díaz-Fierros Viqueira, doutor en Farmacia e catedrático en Edafoloxía e Química da USC; Xosé Manuel Cid Fernández, doutor en Pedagoxía e profesor na Facultade de Ciencias da Educación da Universidade de Vigo; e o Concello de Brión, pola utilización ininterrompida desde 1979 do galego como lingua de uso normal no concello. O acto de entrega será o 30 de xuño de 2016, ás 19:30 h, no castelo de Soutomaior.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: