www.radioredondela.com Hoxe é Martes, 23 de Outubro de 2018

O colectivo de empresarios reclama un parque comarcal de bombeiros en Redondela
Sociedade • 31/05/2016
Autor: M. X. Queimaliños

A Asociación de Empresarios apoia a solicitude realizada polo Concello de Redondela para a creación dun parque comarcal de bombeiros de intervención rápida na comarca. A petición xustifícase pola importancia tanto de preservar a extensa zona forestal desta comarca como pola especial configuración dos asentamentos industriais no municipio, onde as empresas localízanse en micropolígonos escasamente dotados que dificulta a atención a eventuais emerxencias.


A Asociación de Empresarios de Redondela expresa o seu respaldo a esta proposta, como puxeron de manifesto tanto o presidente, Enrique Lago, como a representante da sección de industria da entidade, Carmen López, tras a última reunión mantida co alcalde, Javier Bas. O Servizo de Emerxencias (SEIS) atópase atendido na actualidade con só tres operarios, polo que tan só permite cubrir o horario diúrno.


Esta demanda coincide coas xestións realizadas por cinco municipios da contorna -Fornelos de Montes, Covelo, Mondariz, Mondariz-Balneario e A Lama- para a creación dunha agrupación de Protección Civil e evitar así depender dos parques comarcais situados a maior distancia, que quedarían de apoio en caso de intervencións graves.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: