www.radioredondela.com Hoxe é Martes, 23 de Outubro de 2018

O asfaltado definitivo da rotonda de Cedeira obriga a pechar novamente o principal acceso a parroquia
Sociedade • 25/04/2016
Autor: M. X. Queimaliños

O concelleiro de seguridade, Arturo González explica que o peche será puntual e servirá para rematar definitivamente as obras de construción da rotonda que se está a construír na N-552 no acceso a Cedeira. Unha actuación que mañá martes obrigará novamente aos turismos a acceder a esta parroquia por vías alternativas. A glorieta debería estar plenamente operativa a finais desta semana, cando as máquinas se retiren deste tramo da estrada.


O acceso principal a Cedeira dende a estrada N-552 volverá pecharse este martes para realizar os traballos de asfaltado previos a súa apertura definitiva. Así o explica o edil Arturo González quen lembra aos condutores que deberán empregar os acesos alternativos  que xa estiveron operativos semanas atrás, é dicir, subir dende a nacional polo camiño de Negueiride (que ten o seu acceso fronte a farmacia da Portela) e en sentido descendente en dirección a Redondela os condutores deberán ir polas Cardosas.


Os traballos nesta estrada supoñen un investimento de 2,8 millóns de euros para mellorar a seguridade vial e os accesos ao barrio do Cruceiro e zona industrial e residencial de A Portela. Ademais de facilitar a entrada ao futuro supermercado de Mercadona, que está previsto abra as súas portas a finais do mes de maio, tamén se están a construír beirarrúas no inicio da estrada para facilitar o paso de peóns que soben ao Cruceiro.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: