www.radioredondela.com Hoxe é Martes, 18 de Decembro de 2018

O C.R. Chapela proclámase campión no Campionato Territorial Sur de Bateis en Meira
Deporte • 18/04/2016
Autor: Ana Prieto

O Club de Remo Chapela volveu ser o máis regular nas finais do Campionato Territorial Sur, adxudicándose o II Memorial Luís Maya. Os remeiros das categorías masculinas e femininas de Redondela sumaron 18 puntos na xeral, proclamándose campións absolutos, seguidos de Tirán, que sumou 15 puntos.


Chapela sumou onte unha vitoria, tres segundos postos e unha quinta praza, o que lles valeu a vitoria final por puntos. A baía de Meira foi onte o escenario da final, coa participación dos cinco equipos clasificados nas series eliminatorias do sábado. Seis clubs resultaron vencedores nas sete categorías, xa que só Mecos conseguiu dous ouros, sendo vencedor en Absoluto feminino e infantil masculino. O resto de vitorias foron para Vilaxoán (promesa feminino); Vila de Cangas (xuvenil feminino); Virxe da Guía (cadete masculino); Chapela (xuvenil masculino) e Meira (absoluto masculino). A próxima fin de semana e en augas do porto da Pobra do Caramiñal disputarase o Campionato de Galicia. Nel estarán os catro primeiros equipos de cada categoría para enfrontarse cos mellores da Territorial Norte. E desa proba autonómica sairán os dous mellores que obterán praza para o Campionato de España de Bateis. A proba estatal tamén se celebra en Galicia, Será en augas das instalacións da antiga E.T.E.A. en Teis, os días 30 de abril e 1 de maio.


Resultados: Promesa feminino: 1. Vilaxoán, 4.53:38; 2. Chapela, 5.00:53; 3. Samertolaméu, 5.03:25; 4.Robaleira, 5.04:94; 5. Vila Cangas, 5.09:25. Xuvenil feminino: 1. Vila Cangas, 10.21.94; 2. Chapela, 10.31:47; 3. Tirán, 10.42:81. Absoluto feminino: 1. Mecos, 10.02:75; 2. Chapela, 10.06:28; 3. Tirán, 10.22:53; 4. Coruxo, 10.41:15; 5. Bueu: fóra de regata. Infantil masculino: 1. Mecos, 4.45:18; 2. Vilaxoán, 4.56:00; 3. Robaleira, 4.58:15; 4. Bueu, 4.59:43; 5. Chapela, 5.12:00. Cadete masculino: 1. Virxe dá Guía, 7.05:72; 2. Amegrove, 7.07:22; 3. Vila Cangas, 7.10:31; 4. Vilaxoán, 7.13:25; 5. Tirán, 7.21:81. Xuvenil masculino: 1. Chapela, 9.17:69; 2. Tirán, 9.25:31; 3. Samertolaméu, 9.41:75; 4. Robaleira, 9.56:28; 5. Mecos, fóra de regata. Absoluto masculino: 1. Meira, 8.52:91; 2. Tirán, 8.54:09; 3. Samertolaméu, 9.04:09; 4. Moaña, 9.07:12; 5. Mecos, 9.09:84.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: