Radio Redondela 94.9FM
www.radioredondela.com Hoxe é Xoves, 16 de Agosto de 2018

Unha miniglorieta na intersección das rúas Calvario e Leiras mellorará a seguridade vial en Arcade
Política • 8/04/2016
Autor: M. X. Queimaliños

O delegado territorial da Xunta en Vigo, Ignacio López-Chaves, xunto ao alcalde de Soutomaior, Agustín Reguera, e o xefe territorial da Consellería de Infraestruturas e Vivenda, José Luís Díez, supervisaron as obras de mellora da seguridade viaria na PO-264 ao seu paso polo municipio consistente na implantación dunha miniglorieta para mellorar a intersección nas rúas municipais Calvario e Leiras no núcleo urbano de Arcade.


Os traballos, que xa comezaron, contan cun prazo de execución de dous meses e un orzamento que supera os 43.600 euros. Tras comprobar o inicio destes traballos, delegado e alcalde, trataron tamén as obras de adaptación de dúas sendas peonís e ciclistas na PO-244. É máis, ambos responsables institucionais desprazáronse ata o lugar da Montesiña para observar unha das dúas zonas onde ten previsto actuar a Xunta de Galicia. Concretamente, a Administración autonómica actuará nun total de 330 metros de dita estrada. Estas dúas actuacións iniciaranse antes do verán e contan cun orzamento aproximado de 60.000 euros.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: