www.radioredondela.com Hoxe é Mércores, 19 de Xuño de 2019

Positivas, unha asociación por e para as mulleres
Sociedade • 8/03/2010
Autor: M. X. Queimaliños

A entidade, que aproveitou o día da muller para presentarse publicamente, nace co obxectivo de ofrecer recursos e servizos que favorezan á integración da muller, atendendo á realidade específica de Redondela


Positivas, creada neste ano, é unha entidade que traballa na defensa dos dereitos das mulleres, co obxectivo de fomentar a súa participación como axentes activos necesarios para favorecer un cambio social que fomente a igualdade.A asociación persegue ofertar recursos e servizos que favorezan polo tanto a integración da muller non só laboral senón tamén socialmente, con especial atención á realidade local.


Entre as actividades concretas que se propoñen desenvolver nos vindeiros meses inclúen cursos de formación e recursos que apoien ás veciñas de Redondela


Como primeira actividade, Positivas organizou unha campaña para conmemorar o Día Internacional da Muller, que busca sorprender e facer reflexionar á cidadanía sobre as condicións reais en que viven as mulleres. Esta primeira actividade, en colaboración coa Concellaría de Servizos Sociais e Igualdade, presta especial atención a datos que poñen en evidencia as diferencias que a nivel mundial sofren as mulleres en ámbitos como o educativo ou o sanitario. Pero sen deixar de lado datos concretos do noso concello que poñen de manifesto como a crise está a afectar de xeito singular ao sector feminino, xa que a porcentaxe de mulleres desempregadas supera nun 27% a porcentaxe de homes parados

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: