www.radioredondela.com Hoxe é Martes, 11 de Decembro de 2018

AER demanda maior seguridade vial na N-552 á altura das obras do Mercadona en Cedeira
Política • 18/01/2016
Autor: M. X. Queimaliños

A Agrupación de electores de Redondela (AER) vén de demandar por rexistro, con motivo das obras que se están a realizar na calzada da N-552 á altura do futuro hipermercado de Mercadona en Cedeira, que coa maior celeridade posible se mellore a inseguridade viaria detectada na zona. AER demanda concretamente que se melloren os sinais de iluminación de noite, as liñas de separación entre ámbolos dous sentidos do tráfico viario e as liñas das beirarrúas, para que os viandantes sexan detectados coa maior facilidade posible e se reduza o risco de incidentes ou accidentes tanto de día como pola noite.


A futura glorieta que se está a construír na estrada que une Redondela e Vigo á altura da parroquia de Cedeira forma parte do proxecto para a construción do primeiro supermercado da firma Mercadona no municipio e cuxas instalacións xa están moi avanzadas. A rotonda na intersección da estrada coa subida a Cedeira garantirá unha maior fluidez do tráfico, pero as súas obras sí dificultan dende hai semanas a circulación por este tramo. Ao entender de AER nin a sinalización nin a iluminación é suficiente polo que demandan que se melloren estas condicións para evitar que se produza algún accidente de tráfico.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: