www.radioredondela.com Hoxe é Sábado, 26 de Maio de 2018

Regresa a Redondela o programa de música contemporánea da Rede de Músicas Soltas
Cultura • 16/12/2015
Autor: M. X. Queimaliños

Por terceiro ano, a mellor música tradicional contemporánea que se pode ver en Galicia dun xeito próximo, íntimo e regular regresa a Redondela cunha nova edición deste ciclo musical. Unha cita mensual a partir de xaneiro coas mellores músicas populares galegas e peninsulares nun programa para presentar os traballos de artistas en activo no Auditorio da Xunqueira. O ciclo arrancará o vindeiro 16 de xaneiro cun concerto de Davide Salvado. As seis actuacións previstas serán ás 21:00 horas e as entradas poranse a venda a 5 euros no Multiúsos 30 minutos antes de cada concerto. Reserva no mesmo lugar, ou no teléfono 986 40 28 65, desde o xoves da mesma semana.


A Rede de Músicas Soltas de Redondela son concertos de presentación de discos actuais da música popular galega, e de artistas de fóra de Galiza que virán tocar para o público local que poderá escoitar os novos discos dos artistas galegos Davide Salgado (Lobos) p vindeiro 16 dexeneiro, Lagharteiras (Lagharteiras) o 19 de marzo, Puntada sen fio (A lúa prendeu a luz) o 14 de maio, e de Javier Marcos Quinteto (Ten Dez) o 18 de xuño. As propostas internacionais chegarán da man dos artistas portugueses Toques do Caramulo o 16 de abril e o grupo brasileiro Coladera o 20 de febreiro.


A RMS é un ciclo de concertos promovido polo Concello de Redondela e organizado por aCentral Folque, Centro Galego de Música Popular. Concertos próximos ao redor da música popular, dos músicos con voz propia, e sos seus universos. Músicas para gozar de corrido: 6 propostas para 6 meses en tempada de inverno e primavera.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: