www.radioredondela.com Hoxe é Martes, 17 de Xullo de 2018

Un paquete sospeitoso na cafetería Dolce en Arcade mobiliza a Garda Civil
Sucesos • 14/12/2015
Autor: M. X. Queimaliños

A propietaria dun bar de Arcade avisou á Garda Civil por temor a ser vítima dun atentado terrorista cando atopou un paquete ás portas do negocio que non estaba identificado. Logo da alarma inicial e confirmado que o paquete tan só contiña revistas, o local abriu con normalidade.


Un paquete sospeitoso mobilizou onte ao equipo de desactivación de explosivos (Edex) da Garda Civil de Pontevedra.


A propietaria do establecemento situado na parroquia de Arcade, en Soutomaior , atopouno á primeira hora da mañá de onte na terraza da cafetería cando se dispuña a abrir o local e alarmouse pensando que podería ser un artefacto explosivo. O envoltorio contiña unha nota: «Para os teus clientes», unha nota que lle resultou sospeitosa polo que decidiu avisar á Garda Civil, por temor a poder ser vítima dun atentado terrorista. As forzas da orde activaron de inmediato o protocolo de alarma por explosivos.


Os axentes acordoaron a zona ao redor da cafetería Dolce para evitar o paso dos veciños e levaron un can especialmente adestrado para a detección de explosivos, quen non deu mostrar de que se tratase dunha bomba. Os axentes abriron o paquete e comprobaron que se trataba dunha falsa alarma, xa que o único que había no interior eran varias revistas que ao parecer deixara unha veciña para que as puidesen les os clientes do local


O alcalde de Soutomaior, Agustín Reguera, que se achegou ata o lugar, manifestou que non se fixo necesario desaloxar as vivendas, aínda que houbo certa alarma na veciñanza polo despregamento de seguridade que levou a cabo o instituto armado. Confirmada a ausencia de perigo, a propietaria volveu abrir o seu negocio.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: