www.radioredondela.com Hoxe é Martes, 16 de Outubro de 2018

O Arealonga FS afiánzase nos postos de cabeza
Deporte • 14/12/2015
Autor: M. X. Queimaliños

Un único resultado o que nos deixa o fútbol sala no ámbito local, xa que por cuestións de calendario o Redondela descansaba nesta xornada e o partido previsto que debía enfornar ao Alonso & Serodio e o Campito foi aprazado. Si xogou o terceiro dos equipos locais que militan na autonómica sur, o Arealonga que logrou unha importante vitoria ante o Celado por 5-3.


O Arealonga consolídase así na terceira praza do grupo en solitario. Na vindeira semana teñen unha cita difícil, xa que xogarán co líder da categoría o Cereixa Gondomar e farano ademais en campo rival.


Pola súa banda, Redondela e Campito deberán defender as súas posicións en campo amigo. Os de Juan Manuel Nogueira farano na bomboneira cun partido o sábado 19 ás 16:15 horas ante o Leis Marcón. O Campito medirá as súas forzas co Abetos Gondomar nun encontro que se disputará o sábado ás 16:30 no pavillón de Chapela.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: