www.radioredondela.com Hoxe é Sábado, 26 de Maio de 2018

Xunta e Concello estudan a elaboración dunha programación cultural estable en San Simón
Institucional • 26/11/2015
Autor: M. X. Queimaliños

O conselleiro de Cultura, Educación e Ordenación Universitaria, Román Rodríguez, reuniuse co alcalde de Redondela, Javier Bas Corugeira, para estudar posibles liñas de actuación conxuntas de cara a desenvolver novas actividades o vindeiro ano na Illa de San Simón. Estas iniciativas de dinamización cultural enmarcaríanse no protocolo de colaboración asinado en marzo entre as dúas institucións para potenciar os valores culturais, ambientais e paisaxísticos das illas de San Simón e San Antón, declarados Ben de Interese Cultural (BIC).


Por outro lado, e desde o punto de vista educativo, tamén abordaron a introdución do Xadrez como materia de libre configuración autonómica na Educación Secundaria Obrigatoria, unha área pola que apostou de preto o concello de Redondela. Froito da súa experiencia, o conselleiro, o alcalde e o presidente da European Chess Union, Silvio Danailov, tamén asinaron o pasado marzo un acordo de cooperación para o intercambio de ideas e métodos para organizar o proxecto Galicia ECU que, precisamente, tiña por obxectivo promover a ensinanza de xadrez nos centros.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: