Radio Redondela 94.9FM
www.radioredondela.com Hoxe é Venres, 17 de Agosto de 2018

O Campito FS confírmase como líder da categoría logo de vencer ao García Araújo
Deporte • 9/11/2015
Autor: M. X. Queimaliños

Os de Chapela non deron opción ao rival e impuxéronse comodamente nun encontro que rematou cun 12-7 no marcador. Pola súa banda o Arealonga facíase cos puntos en xogo na súa visita ao campo do Verín Futsal, partido no que cedeu a vitoria cun apertado 4-5. Empate para o Redondela ante o Abetos, un resultado que non lles serve aos de Jorge Expósito para afastarse dos postos baixos da categoría.


Un partido disputado no pavillón municipal de Gondomar e que comezou ben para os de Redondela que lograron un marcador a favor de 0-2. Unha vantaxe que no souberon rentabilizar os choqueiros que, malia ir por diante todo o partido cederon os puntos nos dous últimos minutos de xogo, tempo no que os locais lograron o definitivo 3-3 no marcador. Un resultado que non permite ao Redondela FS afastarse dos postos baixos das categoría. Son decimo terceiros e na vindeira xornada teñen unha cita difícil, xogarán na bomboneira e recibirán ao segundo clasificado, O Cereixa.


Moito mellor lle van as cousas aos outros dous equipos que militan na Autonómica Sur. Por unha banda o Arealonga gañaba na súa visita a Ourense nun partido ante o Verín Futsal que rematou co resultado de 4-5. Mantéñense no terceiro posto da táboa e reciben na vindeira semana ao pechacancelas, o Leis Marcón.


Con todo, os parabéns indiscutibles son para os xogadores do Campito, líder do grupo logo de lograr unha avultada vitoria ante o Bar Praza García-Araujo. Encontro disputado en Chapela que remataba co resultado de 12-7. O Campito defenderá o liderado na próxima semana no campo do Marín, equipo situado nos postos baixos da táboa.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: