www.radioredondela.com Hoxe é Domingo, 22 de Setembro de 2019

A administración inviste 68.500 euros na reforma da Igrexa de Santiago en Arcade
Sociedade • 19/02/2010
Autor: M. X. Queimaliños

Os feligreses poderán coñecer hoxe as melloras acometidas, que consistiron no cambio integral da cuberta da igrexa e no reforzo da bóveda e dos forxados ademais dunha restauración do interior.


As obras de mellora da Igrexa de Santiago de Arcade, unha construcción románica dos últimos anos do século XII ascenden a 68.500 euros. Unha obra que foi encargada e promovida polo Obispado de Tui-Vigo, pero que foi financiada pola Consellería de Cultura e Turismo quen aportou os cartos para realizar o cambio da cuberta e reforzar a bóveda e os forxados. A actuación completouse cunha achega dos feligreses da parroquia, que se adicou á remodelación e restauración do interior do templo relixioso.


A delegada territorial da Xunta en Vigo, Lucía Molares, acompañada do párroco da igrexa de Santiago de Arcade e do alcalde de Soutomaior, Agustín Reguera, comprobaron onte o estado de ditas obras de mellora. Durante a visita as obras, delegada e alcalde puideron comprobar o estado das actuacións que se levaron a cabo, e que consistiron principalmente na desmontaxe da cuberta e demolición do falso teito de formigón que tiña anteriormente para cambiala por outra cubrición totalmente nova. Ademais, e á vista da solución proposta, plantexouse tamén o reforzo da bóveda central e dos forxados dos dous edificios anexos laterais co fin de evitar maiores riscos. 


Con todo, e despois de varios meses de traballos, os feligreses da parroquia de Santiago de Arcade poderán coñecer hoxe mesmo o resultado da obra, que xa está practicamente rematada, e que posibilitará retomar este fin de semana a actividade da parroquia.


 

Comentarios
Bakunin
Luns 22 de Febreiro de 2010 ás 11:14 horas
E a min que carallo me importa.
[1-1]

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: