Radio Redondela 94.9FM
www.radioredondela.com Hoxe é Venres, 17 de Agosto de 2018

Os clubs de Chapela demandan mellores infraestruturas deportivas para a parroquia
Deporte • 22/09/2015
Autor: M. X. Queimaliños

A primeira reunión do Foro do deporte, convocado polo responsable desta concellería Julio Mougán co obxecto de coñecer de primeira man as demandas e suxestións dos clubs deportivos de Redondela, celebrábase no Meirande o pasado venres "nun ambiente construtivo e moi dialogante" en palabras do edil. Este venres reunirase co resto dos clubs nunha xuntanza que terá lugar ás 21:00 horas na Casa da Cultura.


Nesta segunda reunión do Foro do deporte está chamados a participar aqueles clubs que non acudiron a I xuntanza celebrada no Meirande o pasado venres na que participaron representantes do Balonmán Chapela, Sol Invictus, Arealonga FS, Centro Cultural Recreativo de Chapela, Meigarco, Chapela FC, Asociación Peña Deportiva Beretes e Asociación Deportiva de Rande.


Durante preto de dúas horas valorouse o estado actual do deporte redondelán e achegáronse diferentes propostas e peticións, sobre todo en canto á necesidade urxente de mellorar as infraestruturas deportivas de Chapela.


Outros asuntos con amplo debate foron os parámetros de puntuación das bases de subvencións de deportes e a realización e carácter dos eventos deportivos.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: