www.radioredondela.com Hoxe é Martes, 23 de Outubro de 2018

Unha caldeira de biomasa mellorará a eficiencia enerxética no pavillón de Chapela
Institucional • 6/08/2015
Autor: Ana Prieto

Unha subvención do Instituto Enerxético de Galicia permitirá renovar a caldeira do pavillón municipal para dotalo dun sistema de biomasa que suporá un importante aforro enerxético, segundo a concellería de Medio Ambiente.


A subvención do INEGA ascende a 13.500 euros, dentro da liña de axudas para proxectos dinamizadores das áreas rurais de Galicia con equipamentos térmicos de biomasa. Dende a Concellería de Medio Ambiente solicitouse unha nova subvención dentro de proceso de renovación e mellora en eficiencia enerxética das instalacións municipais, polo que en breve se contratará a nova caldeira para a produción de auga quente sanitaria nas instalacións de Chapela. A instalación será financiada conxuntamente polo Concello de Redondela e polo Instituto Galego Enerxético de Galicia dependente da Consellería de Economía. O importe total do equipamento ascende a 33.905 euros, e con el trátase obter un aforro enerxético como xa se levou a cabo noutros edificios municipais como o a Piscina Municipal e o campo de Santa Mariña, ou tamén CEIP de Cedeira.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: