www.radioredondela.com Hoxe é Sábado, 26 de Maio de 2018

Aquagym nas praias de Cesantes e Chapela e campamento infantil en Arealonga
Deporte • 13/07/2015
Autor: M. X. Queimaliños

A actividade de aquagym, organizada pola Concellería de Muller e igualdade, comezará a impartirse de xeito gratuito hoxe luns 13 de xullo e na mesma pode participar todo o que o desexe acudindo os luns e mércores a Cenastes ou os martes e xoves á Praia de Arealonga en Chapela. En ambos os dous casos as clases impartiranse en horario de mañá de 11:00 a 12:00 horas. Por outra banda en Chapela arranca o mércores un campamento na praia que se desenvolverá en horario de tarde de 17:30 a 19:30 orientado a nenos maiores de catro anos.


Esta actividade ten como obxectivo fomentar hábitos saudables e a práctica de deportes lúdicos ao aire libre, facendo que as nosas praias teñan un novo aliciente engadido para achegarnos a elas.


Un monitor será o encargado de dirixir a actividade e impartirá diferentes exercicios físicos lixeiros tanto na area como na dentro da augas. Os lugares escollidos sinalizaranse cun banderín para atopalos facilmente.


A actividade dará comezo o vindeiro luns 13 de xullo e rematará o luns 31 de agosto, non terá custo e nela poderán participar persoas de todas as idades, acudindo aos lugares e nas horas indicadas.


Campamento de Praia en Arealonga


A Concellería de Xuventude do Concello de Redondela ven de organizar o Campamento de Praia que dará comezo este mércores día 15 na Praia de Arealongaen horario de 17:30 a 19:30 horas. Este campamento vai dirixido a nenos maiores de catro anos que disfrutarán con xogos populares, xogos de auga, Olimpiadas, gincanas e manualidades. Para esta actividade non fai falta inscribirse previamente no concello.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: