O colectivo Alén Nos organiza hoxe venres día 5 unha charla-proxección baixo o título "O apartheid e o deporte: esperanza e reconciliación" a cargo de David Faro coa proxección do filme "Máis aló dun xogo"no Multiusos

A piques de celebrarse o mundial de fútbol en Sudáfrica, primeiros mundiais que se organizan nun país Africano, e cando ven de se estrear a película Invictus, o Multiusos da Xunqueira acolle hoxe un acto que lles servirá aos asistentes para saber máis das íntimas relacións entre o deporte e os movementos a favor da igualdade entre negros e brancos.

Baixo o título "O apartheid e o deporte: esperanza e reconciliación" David Faro presentaranos a película do 2007 "Mais aló dun xogo". Un filme cuxo argumento está baseado nunha historia real, a dos prisioneiros políticos da Illa de Robben que tentan crear unha liga de fútbol que terminará converténdose nun punto de encontro das ideas políticas e culturais.

Logo da proxección establecerase un debate aberto entre todos os presentes.