www.radioredondela.com Hoxe é Martes, 18 de Decembro de 2018

Fomento prohibirá o tráfico pesado pola N-550 ao seu paso por Redondela
Institucional • 29/01/2015
Autor: M. X. Queimaliños

O Ministerio de Fomento quere reducir o tráfico pesado nas vías convencionais. Con ese obxectivo estudan a posibilidade de prohibir a circulación de camións por diferentes estradas nacionais de Galicia, entre elas a N-550 que atravesa o noso concello. Unha medida que beneficiaría as parroquias de O Viso, Cesantes, Redondela, Quintela e Saxamonde.


Os 54 quilómetros da N-550 entre Pontevedra e O Porriño beneficiaríanse da medida do Ministerio de Fomento que prevé o veto do tráfico pesado por diferentes tramos desta estada convencional. En contrapartida, os camións beneficiaranse dunha rebaixa de ata o 50% na autoestrada AP-9.


A medida está pendente de que tanto as organizacións de transportistas como as propias concesionarias das autoestradas a acepten. No caso de que finalmente se leve á práctica os camións deberán desprazarse por esas vías eliminándose así o tráfico pesado por estradas que presentan unha gran intensidade e unha alta siniestralidade. Ese é o caso da N-550 ao seu paso polo noso concello, Unha vía que entra por Soutoxuste e atravesa s parroquia de Cesantes, Redondela, Quintela e Saxamonde en dirección ao Porriño.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: