www.radioredondela.com Hoxe é Mércores, 13 de Novembro de 2019

Detido un veciño de Redondela que atracou en catro ocasións unha gasolineira de Mos
Sucesos • 8/01/2010
Autor: M. X. Queimaliños

A Garda Civil detivo ao atracador cando procedía a fuxir logo de asaltar a estación de servizo de Os Valos na noite de Reis.

 


O detido, que responde ás iniciais J.A.P.D.A. asaltara durante o Nadal ata en catro ocasións a estación de servizo de Os Valos, na estrada de Mos a Redondela. Para evitar ser identificado cubría o rostro cun saco de plástico.


Logo de tres atracos os días 23, 29 e 31 de decembro, volveuno intentar na noite de Reis. Eran as nove da noite cando o mozo entrou na gasolineira e esixiulle á empregada os cartos da recadación. A vítima entregoulle 165 euros que había na caixa.


Recollido o botín o atracador dispúñase a emprender a fuxida cando foi interceptado por unha patrulla da Garda Civil na propia estación de servizo, onde foi detido.


O mozo pasou a disposición do Xulgado de instrucción número 2 de o Porriño, cuxo titular deixouno en liberdade con cargos tras tomarlle declaración.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: