www.radioredondela.com Hoxe é Martes, 22 de Setembro de 2020

A SAR regresa a Primeira Nacional
Deporte • 13/07/2011
Autor: M. X. Queimaliños

O conxunto redondelán, que tiña descendido, aceptou a proposta da Federación española de balonmán para manterse na categoría. Unha decisión que permitirá aos afeccionados asistir a novos derbis entre a Peguform e o Paraxe Chapela.


As cousas non lle foran ben o equipo redondelán na última tempada e os malos resultados deportivos traducíronse nun descenso da categoría. Unha situación que xogadores e directivos parecían ter asumida e de feito estaban xa a traballar no equipo que durante a vindeira tempada debía militar en Primeira Autonómica.


Sen embargo, a Federación Española de balonmán daba a sorpresa e convidaba a Sar a ser un dos cincuenta e seis equipos que van xogar en Primeira nacional masculina. Unha proposta que nunha decisión rápida foia aceptada pola nova directiva que preside Aurelio Krook "Lito". Mañá xoves celebrarase o sorteo para conformar os catro grupos que forman a terceira categoría do balonmán.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: