www.radioredondela.com Hoxe é Martes, 22 de Outubro de 2019

II Xuntanza de Mulleres de Soutomaior
Sociedade • 19/08/2009
Autor: M. X. Queimaliños

O CIM ten aberto ademais o prazo de inscrición para participar en dous obradoiros de autoestima e sexualidade que se van iniciar no vindeiro mes de setembro


O Centro de Información á muller de Soutomaior organiza mañá xoves a II xuntanza de mulleres que espera conta con máis dun cento de participantes.


As actividades previstas consistirán nunca excursión ás termas de Mónçao con saída ás nove da mañá dende Arcade. Unha vez no balenario as participantes contará con hora e media para gozar das diferentes actividades que ofrecen as termas, lugar no que tamén se celebrará o xantar


Xa pola tarde e de regreso a Soutomaior haberá unha parada na fortaleza de Valença.


As interesadas poden achegarse ao CIM de arcade ou informarse no teléfono 986 701227


Obradoiros de autoestima e sexualidade


O CIM ten aberto ademais o prazo de inscrición para participar en dous obradoiros que se van iniciar no vindeiro mes de setembro.


Pro unha banda un obradoiro de educación para a saúde, autoestima e autovaloración que se vai impartir dende o 16 de setembro ata o 11 de novembro. Ás asistentes achegaráselles nestas aulas as ferramentas necesarias para fortalecer o noso coidado desde un aspecto integral que englobe o benestar físico, psíquico e social.


No obradoiro “Atrévete a sentir” abordaranse cuestións relacionadas coa sexualidade traballando cos desexos, identidade, roles sexuais e relacións.


As interesadas deben inscribirse ante do 30 de setembro no CIM

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: