www.radioredondela.com Hoxe é Venres, 22 de Novembro de 2019

O mal tempo e a crise económica reducen as vendas nas rebaixas de verán
Sociedade • 14/08/2009
Autor: Lorena Otero

Malia os descontos do 50% e o 60% os comercios de Redondela non conseguiron desfacerse dos stocks da temporada.


A menos de 15 días para que rematen as rebaixas de verán os comerciantes de Redondela recoñecen que foi unha das peores campañas que lembran. O mal tempo do mes de xullo que provocou que a xente non se animara a mercar roupa de verán e a crise económica fixo que moitos dos establecementos reduciran notablemente as vendas con respecto á campaña do ano pasado. Os comercios da zona esperaban poder recuperar os malos resultados económicos do inverno coas rebaixas pero polo momento as vendas nin sequera se igualaron ao ano pasado por estas datas.


 


O sector comercial local recoñecen que as obras de humanización que se están a desenvolver no centro da vila e a falta de aparcadoiro non está a axudar a que a xente veña a mercar a Redondela e escolle as grandes áreas comercias onde ten máis facilidades. Malia todo o descenso das vendas non foi tan notable como o rexistrado en Vigo e Pontevedra, grazas aos clientes habituais, que aínda que reduciron as compran non deixaron de mercar.


 


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: