www.radioredondela.com Hoxe é Venres, 19 de Xullo de 2019

A presenza do internacional búlgaro Vladkov non bastou para darlle a vitoria a Sar
Deporte • 11/10/2010
Autor: M. X. Queimaliños

Dispar resultados para os equipos de balonmán locais que militan en primeira nacional. O Paraxe Chapela continúa imparable cunha vitoria na casa do Cisne mentres a Sar se sitúa no penúltimo posto da táboa logo de caer ante o Magope


O Magope acadou un cómodo triunfo na súa visita a Redondela nun partido disputado o sábado na bomboneira. Bo encontro dos vigueses que conseguiron gañar o partido que rematou cun marcador de 25 goles a 30 a favor dos visitantes.


A Peguform Sar contaba co reforzo do xogador búlgaro Miroslav Vladkov de 27 anos de idade, pero a presenza do internacional, que logo de militar en varios equipos búlgaros e gregos chega a Redondela, non foi suficiente para acadar a vitoria que tanto necesitan os locais. De feito a Sar atópase no penúltimo posto da táboa en primeira nacional, con tan só un punto no seu haber.


Na vindeira xornada enfrontaranse a outro equipo necesitado de vitorias, o Cinco Jotas.


O Paraxe imparable


O Chapela pola contra volveu demostrar que se atopa nun bo momento e acadou a súa primeira vitoria a domicilio a costa do colista, O Cisne.


O paraxe Construcción fixo valer o seu papel de favorito para sumar a súa primeira vitoria en casa dun rival. Con todo, e a pesar de tratarse dun encontro contra o último clasificado, os de Chapela tiveron que votar man de todos os seus recursos nun partido que rematou co resutaldo de 20-30.


O equipo continúa terceiro na categoría e ten na vindeira cita un encontro difícil. Xogará en chapela pero deberá enfrontarse cun rival directo, o Atlético Novas, empatado a puntos co Paraxe e cuarto da categoría.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: