www.radioredondela.com Hoxe é Mércores, 12 de Agosto de 2020

A policía auxilia un ciclista que comezou a convulsionar na estrada de Reboreda
Sucesos • 15/07/2020
Autor: M. X. Queimaliños

O home José Luis M.R., de 54 anos de idade e veciño de Pazos de Borbén, baixaba en bicicleta dende este concello cara a Redondela cando por razóns que se descoñecen caeu do vehículo e comezou a convulsionar. Malia requerirse o servizo do helicóptero medicalizado, finalmente o home foi estabilizado no lugar e trasladado en ambulancia ao Hospital Álvaro Cunqueiro.


O seu acompañante foi o encargado de alertar aos servizos de emerxencias ao redor das 20:00 horas deste martes. Ata o lugar desprazouse un vehículo da Policía Local xunto cun médico do Centro de Saúde de Redondela. Nun primeiro momento valorouse a posibilidade de trasladar a outro punto ao accidentado, xa que o helicóptero medicalizado non podía aterrar no lugar do suceso. Finalmente foi posible estabilizar o paciente e trasladalo en ambulancia ao Hospital Álvaro Cunqueiro, onde quedou ingresado.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: