www.radioredondela.com Hoxe é Xoves, 4 de Xuño de 2020

O endurecemento do estado de alarma paraliza as obras de rehabilitación do cemiterio dos Eidos
Institucional • 2/04/2020
Autor: M. X. Queimaliños

A totalidade das empresas adxudicatarias das obras públicas de Redondela cesaron na súa actividade. Así o confirman dende o equipo de Goberno que supervisou a medida e salientou o "alto grao de responsabilidade da veciñanza que cumpre coas normas de confinamento". Entre as obras paralizadas atópase a actuación que ata esta fin de semana se estaba a realizar no cemiterio dos Eidos.


As empresas que realizaban obras para Concello paralizaron xa veñen de paralizaron xa a súa actividade para dar cumprimento ao decreto que establece a paralización dos servizos non esenciais. A suspensión das obras foi precedida pola retirada da maquinaria e o valado das zonas de traballo.


A alcaldesa Digna Rivas quixo, en nome do Equipo de Goberno, agradecer "a colaboración da enorme maioría das persoas que respectan as normas de confinamento", unha situación "que non é doada, pero que veciños e veciñas cumpren con enormes doses de solidariedade e responsabilidade".


Entre as obras que se atopan en estado de suspensión están as de rehabilitación e recuperación do cemiterio de Eidos, un lugar de enorme valor tanto histórico coma patrimonial, e que está sendo obxecto de traballos que seguen "rigorosamente" os criterios marcados por Patrimonio.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: