www.radioredondela.com Hoxe é Venres, 3 de Abril de 2020

Rúas ateigadas de xente nun tradicional día de Reis de feira e rondallas
Sociedade • 7/01/2020
Autor: M. X. Queimaliños

O día 6 de xaneiro volveu ser unha xornada de vida na rúa grazas á coincidencia en Redondela de dúas citas obrigadas: a primeira feira do ano e as actuacións das rondallas e ranchos de reis que desfilan polo centro da vila amenizando a mañá coas súas músicas.


Nesta ocasión desfilaron polo noso concello un total de seis formación: a asociación Bando de Reis Airiños da Peneda do Viso, a rondalla Santiago de Parada, a do Club Santiaguiño de Guizán, a rondalla do centro social cultural e recreativo de Beade,a asociación cultural de Pontellas e do círculo cultural Santa Eulalia de Mos.


O bo tempo animou a centos de persoas a achegarse durante a mañá de onte o centro da vila a gozar dun luns festivo animado pola música e polas compras, nalgúns casos de última hora, que se podían facer nos postos da feira, unha das máis numerosas de todo o ano. O tráfico permaneceu pechado no casco urbano para permitir ás rondallas desfilar polas rúas do centro así como aos milleiros de veciños gozar da súa música.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: